భారత క్రికెట్ అభిమానులు ఎంతో ఆసక్తిగా ఎదురుచూస్తున్న భారత్-బంగ్లాదేశ్ వన్డే సిరీస్‌ వాయిదా పడింది. 2026 ఆగస్టులో జరగాల్సిన ఈ సిరీస్‌ను బీసీసీఐ మరియు బంగ్లాదేశ్ క్రికెట్ బోర్డు (BCB) సంయుక్తంగా 2026 సెప్టెంబర్‌కు వాయిదా వేశాయి. ఈ విషయాన్ని బీసీసీఐ అధికారికంగా ప్రకటించింది.

కేంద్రం అనుమతితో ఆటకు బ్రేక్!

వాస్తవానికి ఈ సిరీస్‌ ఈ ఏడాది ఆగస్టులోనే జరగాల్సి ఉంది. షెడ్యూల్ ప్రకారం, ఆగస్టు 17 నుంచి మూడు వన్డేలు, టీ20 సిరీస్ బంగ్లాదేశ్‌లో జరగాల్సింది. కానీ, ఆ దేశంలో నెలకొన్న రాజకీయ అస్థిరత, అలజడి పరిస్థితుల దృష్ట్యా భారత ప్రభుత్వం పర్యటనకు అనుమతి ఇవ్వలేదు. ఈ నేపథ్యంలో బీసీసీఐ వెనక్కు తగ్గింది.

ద్వైపాక్షిక సంబంధాలకూ పర్యవసానం

భారత్-బంగ్లాదేశ్ మధ్య ద్వైపాక్షిక సంబంధాలు, భద్రతా అంశాలు దృష్టిలో పెట్టుకుని భారత జట్టును పంపేందుకు కేంద్రం గ్రీన్ సిగ్నల్ ఇవ్వకపోవడం వల్లే ఈ నిర్ణయం తీసుకున్నట్టు సమాచారం. అయితే, సిరీస్‌ను పూర్తిగా రద్దు చేయకుండా తదుపరి సంవత్సరానికి వాయిదా వేసేందుకు ఇరు బోర్డులు అంగీకరించాయి.

చివరిసారిగా ఎప్పుడు తలపడ్డారంటే...

భారత్, బంగ్లాదేశ్ జట్లు చివరిసారిగా 2025లో ఐసీసీ చాంపియన్స్ ట్రోఫీలో పోటీ పడ్డాయి. ఆ మ్యాచ్‌లో భారత్ 6 వికెట్ల తేడాతో విజయం సాధించింది. అంతకుముందు 2024లో భారతదేశంలో జరిగిన ద్వైపాక్షిక సిరీస్ సందర్భంగా ఈ జట్లు తలపడిన సంగతి తెలిసిందే. ఆ సిరీస్‌లో రెండు టెస్టులు, మూడు టీ20లు జరిగాయి.

కొత్త తేదీల కోసం వేచి చూడాలి

ప్రస్తుతం వాయిదా వేసిన సిరీస్‌ 2026 సెప్టెంబరులో జరగనుంది. కానీ అప్పటికే బంగ్లాదేశ్ పరిస్థితులు అనుకూలంగా ఉంటాయా? కేంద్రం అనుమతి ఇస్తుందా అన్నది ఇప్పుడు ఆసక్తికరమైన అంశం. కొత్త షెడ్యూల్‌పై అధికారిక ప్రకటన త్వరలో వెలువడనుంది.

 టీమిండియా మాజీ కెప్టెన్ విరాట్ కోహ్లీ టెస్ట్‌ క్రికెట్‌కు రిటైర్మెంట్‌ ప్రకటించిన వెంటనే తన తొలి వ్యక్తిగత కార్యక్రమంలో పాల్గొన్నారు. మంగళవారం ఉత్తరప్రదేశ్‌లోని బృందావన్‌ ధామ్‌కు భార్య అనుష్క శర్మతో కలిసి వెళ్లిన కోహ్లీ, ప్రముఖ ఆధ్యాత్మిక గురువు ప్రేమానంద్ మహారాజ్ ఆశీస్సులు తీసుకున్నారు.

ఈ సందర్భంగా గురువు వారికి ఆధ్యాత్మిక బోధనలు చేశారు. కోహ్లీ-అనుష్క దంపతుల బృందావన్‌ ధామ్‌ పర్యటనకు సంబంధించిన ఫొటోలు, వీడియోలు ప్రస్తుతం సోషల్‌మీడియాలో విపరీతంగా వైరల్‌ అవుతున్నాయి. గతంలోనూ కోహ్లీ ఇక్కడికి పలు మార్లు వచ్చిన సంగతి తెలిసిందే.

కాగా, 2011లో వెస్టిండీస్‌పై టెస్టు అరంగేట్రం చేసిన విరాట్‌ కోహ్లీ... తన 13 ఏళ్ల టెస్టు కెరీర్‌లో 113 మ్యాచ్‌లు ఆడి, 9,230 పరుగులు సాధించారు. ఇందులో 30 సెంచరీలు, 31 అర్ధ సెంచరీలు ఉన్నాయి.

ముంబై: భారత క్రికెట్ అభిమానులకు కింగ్ విరాట్ కోహ్లీ షాకింగ్ వార్త చెప్పాడు. టెస్ట్ క్రికెట్‌కు గుడ్‌బై చెబుతున్నట్లు సోష‌ల్ మీడియా వేదికగా కోహ్లీ ప్రకటించాడు. ఈ నిర్ణయం అభిమానులను కలచివేసింది. ఇకపై వైట్ జెర్సీలో తమ అభిమాన క్రికెటర్‌ని చూడలేమని భావించిన అభిమానులు భావోద్వేగానికి గురయ్యారు. కొందరు మాత్రం కోహ్లీ తీసుకున్న నిర్ణయాన్ని గౌరవిస్తూ శుభాకాంక్షలు చెబుతున్నారు.

తాజాగా టీమిండియా ప్రధాన కోచ్ గౌతమ్ గంభీర్ ‘ఎక్స్’లో స్పందిస్తూ.. ‘‘సింహం లాంటి ప్యాషన్ కల వ్యక్తి.. మిస్ య చీక్స్’’ అంటూ భావోద్వేగ పోస్ట్ పెట్టారు. కోహ్లీ రిటైర్మెంట్ వార్తపై గంభీర్‌తో పాటు పలువురు మాజీ ఆటగాళ్లు, విదేశీ క్రికెటర్లు కూడా స్పందించారు.

కోహ్లీ 2011లో వెస్టిండీస్‌తో టెస్టు అరంగేట్రం చేశాడు. ఇప్పటివరకు 123 టెస్టుల్లో పాల్గొని 9,230 పరుగులు సాధించాడు. ఇందులో 30 శతకాలు, 31 అర్థశతకాలు ఉన్నాయి. అతని వ్యక్తిగతంగా అత్యధిక స్కోర్ 254 పరుగులు. టెస్టు కెప్టెన్‌గా భారత క్రికెట్‌కు ఎన్నో విజయాలను అందించిన కోహ్లీ వైట్ బాల్ క్రికెట్‌పై పూర్తిగా దృష్టిసారించనున్నట్లు విశ్లేషకులు అభిప్రాయపడుతున్నారు.

న్యూఢిల్లీ: టీమిండియా మాజీ కెప్టెన్, స్టార్ క్రికెటర్ విరాట్ కోహ్లీ టెస్టు క్రికెట్‌కు గుడ్‌బై చెప్పారు. రోహిత్ శర్మ బాటలోనే కోహ్లీ కూడా తన టెస్టు ప్రయాణానికి తెరదించారు. సోమవారం సోష‌ల్ మీడియాలో పోస్టు చేసి ఈ విష‌యాన్ని అభిమానులతో పంచుకున్నారు. భారత్ తరఫున 14 ఏళ్లపాటు టెస్టుల్లో ప్రాతినిధ్యం వహించడం గర్వంగా భావిస్తున్నానని కోహ్లీ భావోద్వేగంగా పేర్కొన్నారు.

2011లో వెస్టిండీస్‌తో టెస్టు అరంగేట్రం చేసిన కోహ్లీ.. 123 టెస్టుల్లో పాల్గొని 9,230 పరుగులు చేశారు. ఇందులో 30 శతకాలు, 31 అర్థశతకాలు ఉన్నాయి. కెప్టెన్‌గా భారత జట్టును అనేక విజయాలు అందించిన కోహ్లీ.. టెస్టు క్రికెట్‌కు ఇచ్చిన సేవలు గుర్తుండిపోతాయని అభిమానులు భావిస్తున్నారు.

ఇటీవలే టీమిండియా కెప్టెన్ రోహిత్ శర్మ కూడా టెస్టు క్రికెట్‌కు వీడ్కోలు పలికిన సంగతి తెలిసిందే. ఇప్పటికే వీరిద్దరూ టీ20 ఫార్మాట్‌కు కూడా రిటైర్మెంట్ ప్రకటించారు. దాంతో ఈ జంట బాట్స్‌మెన్లు టెస్టు క్రికెట్ నుంచి తప్పుకోవడం సెలెక్టర్లకు కష్టాన్ని తెచ్చిపెడుతోంది. కొత్తతరం క్రికెటర్లను ఎంచుకోవడం, జట్టును పునర్నిర్మించటం పెద్ద సవాలుగా మారింది.