Amaravati: The Andhra Pradesh government has taken steps to strengthen the supply of medicines and surgical items to the State's 104 Mobile Medical Units (MMUs), which serve patients in remote villages, by making it mandatory to record all stock details on the e-Aushadhi portal. A two-day State-level training programme was conducted in this regard, in pursuance of directions issued by Health Secretary Saurabh Gaur.

Two-Day Training at Mangalagiri

The training programme, held at the APIIC Towers in Mangalagiri, was organised by the Information Technology wing of the Andhra Pradesh Medical Services and Infrastructure Development Corporation (APMSIDC) under the supervision of the Dr. NTR Vaidya Seva Trust. A total of 55 district and regional managers, operations executives, and other personnel attached to the 104 MMU division received State-level training during the programme.

Master Trainers to Cascade Learning to Districts

C-DAC Senior Project Engineer Pasupuleti Ashwini said in a statement that master trainers who have undergone State-level training would in turn impart training to data entry operators attached to the 104 mobile medical units at the district level, ensuring uniform implementation of the new system across the State.

Real-Time Stock Monitoring Now Possible

Ashwini noted that the availability of stock details online would enable authorities to monitor the supply of medicines and surgical items at any point in time, facilitating timely replenishment based on actual requirements. She added that online stock registration had already been in place at Health and Wellness Centres for over a year, and that the training programme had been organised to extend the same system to the 104 MMUs in accordance with Health Secretary Gaur's directives.

Plugging Gaps in Village Healthcare Delivery

The move is expected to bring greater accountability and efficiency to the last-mile delivery of medicines to patients in villages, where the 104 mobile units serve as a critical healthcare lifeline. By integrating the MMUs into the e-Aushadhi framework, the government aims to ensure that stock shortfalls are identified and addressed promptly, reducing disruptions to rural healthcare services.

- ఏపీ సెక్రటేరియట్ సీపీఎస్ అసోసియేషన్

అమరావతి ( జర్నలిస్ట్ ఫైల్ ) : రాష్ట్ర సచివాలయ సీపీఎస్ ఉద్యోగుల ప్రాన్ ఖాతాల్లో మిస్సింగ్ క్రెడిట్స్ సమస్యను తక్షణమే పరిష్కరించాలని కోరుతూ, ఏపీ సెక్రటేరియట్ సీపీఎస్ అసోసియేషన్ ప్రతినిధులు మంగళవారం నిధి భవన్‌లోని పే అండ్ అకౌంట్స్ అధికారి శ్రీమతి లలితను కలిసి వినతిపత్రాన్ని సమర్పించారు.

ఈ సందర్భంగా అసోసియేషన్ ప్రతినిధులు మాట్లాడుతూ, గత కొంతకాలంగా సీపీఎస్ ఉద్యోగుల పింఛను చందాలు సరైన విధంగా ప్రాన్ ఖాతాల్లో ప్రతిబింబించకపోవడం వల్ల వారి భవిష్యత్ ప్రయోజనాలు దెబ్బతింటున్నాయని ఆందోళన వ్యక్తం చేశారు. ట్రెజరీస్ అండ్ అకౌంట్స్ విభాగ పరిధిలోని ఉద్యోగుల సమస్యలను ప్రభుత్వం ఇప్పటికే పరిష్కరించిన నేపథ్యంలో, పీఏఓ పరిధిలో ఉన్న సచివాలయ మరియు హెచ్‌ఓడీ ఉద్యోగుల సమస్యలను కూడా అదే విధంగా ప్రభుత్వం దృష్టికి తీసుకెళ్లి ప్రతిపాదనలు పంపాలని పీఏఓను కోరారు.

వినతిపత్రాన్ని పరిశీలించిన పే అండ్ అకౌంట్స్ అధికారి శ్రీమతి లలిత సత్వరమే స్పందించి, తగు చర్యలు తీసుకోవాలని సంబంధిత అధికారులకు ఆదేశాలు జారీ చేశారు. ఈ కార్యక్రమంలో ఏపీ సెక్రటేరియట్ సీపీఎస్ అసోసియేషన్ కార్యవర్గ సభ్యులతో పాటు పలు హెచ్‌ఓడీ శాఖల ఉద్యోగులు కూడా పాల్గొన్నారు.

మంగళగిరి (జర్నలిస్ట్ ఫైల్)  :రోటరీ క్లబ్‌ ఆఫ్‌ మంగళగిరి ఆధ్వర్యంలో నిర్మల కాలేజ్‌ ఆఫ్‌ ఫార్మసీ రోటరాక్ట్ క్లబ్‌ ఇన్‌స్టాలేషన్, చార్టర్‌ ప్రెజెంటేషన్‌ కార్యక్రమం ఘనంగా జరిగింది. రోటరీ ఇంటర్నేషనల్‌ డిస్ట్రిక్ట్‌ 3150 గవర్నర్‌ రోటేరియన్‌ డా. ఎస్‌.వి. రామ్‌ ప్రసాద్‌ ప్రధాన అతిథిగా పాల్గొని కొత్తగా ఎన్నికైన సభ్యులను ప్రమాణ స్వీకారం చేయించారు.

డిస్ట్రిక్ట్‌ చైర్‌ (క్లబ్‌ అడ్మినిస్ట్రేషన్‌) పీడీజీ అన్నే రత్న ప్రభాకర్‌ విశిష్ట అతిథిగా, డిస్ట్రిక్ట్‌ రోటరాక్ట్‌ అడ్వైజరీ కమిటీ రీజినల్‌ చైర్‌ రోటేరియన్‌ జంగాల వెంకటేష్‌ గౌరవ అతిథిగా హాజరయ్యారు. ఈ సందర్భంగా జొన్నాదుల కేదారేశ్వరి లక్ష్మి అధ్యక్షురాలిగా, బండి సంజన కార్యదర్శిగా, చల్లా కార్తికేయ శ్రీరామ్‌ ట్రెజరర్‌గా బాధ్యతలు స్వీకరించారు.

కార్యక్రమానికి రోటరీ క్లబ్‌ ఆఫ్‌ మంగళగిరి అధ్యక్షులు రోటేరియన్‌ ప్రగడ రాజశేఖర్‌ అధ్యక్షత వహించారు. సెక్రటరీ రోటేరియన్‌ పారేపల్లి నిరంజన్‌ గుప్తా, చైర్మన్‌ (రోట్రాక్ట్‌ క్లబ్‌లు) రోటేరియన్‌ జవ్వాది కిరణ్‌ చంద్‌ పాల్గొన్నారు.

నిర్మల ఫార్మసీ కళాశాల తరఫున సెక్రటరీ అండ్‌ కరస్పాండెంట్‌ రెవరెండ్‌ సిస్టర్‌ జి. నిర్మల జ్యోతి, ప్రిన్సిపల్‌ డా. బి. పాముల రెడ్డి, ఎన్‌ఎస్‌ఎస్‌ ప్రోగ్రామ్‌ ఆఫీసర్‌ డా. నరేష్‌ బాబు రేఖా, ఎం.ఫార్మసీ కోర్స్‌ కోఆర్డినేటర్‌ డా. లక్ష్మయ్య పాల్గొన్నారు.

డిస్ట్రిక్ట్‌ గవర్నర్‌ డా. ఎస్‌.వి. రామ్‌ ప్రసాద్‌ మాట్లాడుతూ, రోటరాక్ట్‌ యువతకు సేవా దృక్పథం కలిగించే శక్తివంతమైన వేదికగా నిలుస్తుందని, విద్యార్థులు రోటరీ స్ఫూర్తితో సమాజానికి సేవ చేయాలని సూచించారు. ఈ క్లబ్‌ కార్యకలాపాలు నాయకత్వం, సామాజిక చైతన్యం పెంపొందిస్తాయని తెలిపారు.

రెవరెండ్‌ సిస్టర్‌ జి. నిర్మల జ్యోతి మాట్లాడుతూ, విద్యార్థులు రోటరాక్ట్‌ ద్వారా సేవా విలువలను ఆచరించడం గర్వకారణమని, ఈ క్లబ్‌ వ్యక్తిత్వ వికాసం, బాధ్యతాభావం పెంపొందించడంలో కీలకమని పేర్కొన్నారు.

అధ్యక్షురాలు జొన్నాదుల కేదారేశ్వరి లక్ష్మి మాట్లాడుతూ, రోటరాక్ట్‌ ద్వారా సమాజ సేవ, విద్యార్థుల నాయకత్వ నైపుణ్య అభివృద్ధి, రోటరీ విలువల అమలులో కృషి చేయడం తమ ప్రధాన లక్ష్యమని తెలిపారు.

కార్యక్రమ ఏర్పాట్లలో బీఫార్మసీ, ఫార్మా–డి విద్యార్థులు ఎం. రవి, కె. భరత్‌, పి. నివేదిత స్పూర్తి, శ్రావణి సంధ్య, ఏ. ప్రతిమ, జె. రిషిత, యశ్వంత్‌, సిహెచ్‌. నాగేశ్వరరావు, నాని బాబు చురుకగా పనిచేశారు. వీరి వేదిక అలంకరణ, ఆతిథ్య ఏర్పాట్లు, సాంకేతిక నిర్వహణ, ప్రదర్శన సమన్వయంతో ఈ వేడుక విజయవంతమైంది.

ఈ సందర్భంగా ఏర్పాటు చేసిన కళాశాల సామాజిక కార్యకలాపాల ప్రదర్శన ఆకట్టుకుంది. ఎన్‌ఎస్‌ఎస్‌ యూనిట్‌ చేపట్టిన పర్యావరణ అవగాహన, ఆరోగ్య శిబిరాలు, సేవా ప్రాజెక్టుల వివరాలు ఆకర్షణీయంగా ప్రదర్శించగా, సందర్శించిన అతిథులు కళాశాల సామాజిక బాధ్యత, విద్యార్థుల సృజనాత్మకతకు ప్రశంసలు తెలిపారు.

ఈ కార్యక్రమం ఆత్మకూరు లోని నిర్మల ఫార్మసీ కళాశాల ప్రాంగణంలో సాయంత్రం 2.30 గంటలకు జరగగా, రోటరీ, రోటరాక్ట్ సభ్యులు, అధ్యాపకులు, విద్యార్థులు పెద్ద సంఖ్యలో పాల్గొన్నారు.

మంగళగిరి (జర్నలిస్ట్ ఫైల్) : గుంటూరు జిల్లా రోలర్ స్కేటింగ్ అసోసియేషన్ నిర్వహించిన 20వ గుంటూరు జిల్లా రోలర్ స్కేటింగ్ ఛాంపియన్‌షిప్–2025లో మంగళగిరి చిన్నారులు అద్భుత ప్రతిభ కనబరచి రాష్ట్రస్థాయి పోటీలకు ఎంపికయ్యారు. ఈ సందర్భంగా మంగళగిరిలో మానవ వికాస మండలి ఆధ్వర్యంలో సోమవారం ప్రత్యేక అభినందన కార్యక్రమం నిర్వహించారు.

కోసూరి వెంకట సాంబశివరావు (నాని), శ్రీమతి శ్రావణి దంపతుల పిల్లలు కోసూరి పరిణిక శతాక్షి, కోసూరి చేతన్ ఈ పోటీల్లో మెరవడంతో కుటుంబానికి, మంగళగిరికి గౌరవాన్ని తీసుకువచ్చారు. పరిణిక శతాక్షి ఒక స్వర్ణ, ఒక రజత పతకం, చేతన్ రెండు స్వర్ణ పతకాలు సాధించారు.

జాతీయ స్థాయిలోనూ మెరవాలని ఆకాంక్ష
మానవ వికాస మండలి అధ్యక్షులు రేఖా కృష్ణార్జునరావు మాట్లాడుతూ “చిన్నారులు ఇప్పటితో ఆగిపోకుండా జాతీయ స్థాయిలోనూ విజయం సాధించాలని మనస్సారా కోరుకుంటున్నాం” అన్నారు. పిల్లలను ప్రోత్సహించిన తల్లిదండ్రుల కృషిని ప్రశంసించారు.

పట్టుదలతో సాధించిన విజయాలు
మంగళగిరి బుద్ధ విహార ట్రస్ట్ కార్యదర్శి పామర్తి రవి, నిర్మల ఫార్మసీ కళాశాల ఎన్‌ఎస్‌ఎస్ ప్రోగ్రాం ఆఫీసర్ రేఖా నరేష్ బాబు మాట్లాడుతూ, “క్రమశిక్షణ, పట్టుదలతో సాధించిన ఈ విజయాలు మరింత ఉన్నత స్థానాలకు నడిపిస్తాయి” అన్నారు. నవంబర్ మొదటి వారంలో కాకినాడలో జరగనున్న రాష్ట్రస్థాయి పోటీల్లో మరిన్ని పతకాలు సాధించాలని ఆకాంక్షించారు.

అభినందనల వర్షం
కార్యక్రమంలో పెదకాకాని దేవాదాయశాఖ ట్రిబ్యునల్ సూపరింటెండెంట్ తలగాని జ్యోతి, మానవతా వేదిక కన్వీనర్ గోలిమధు, దాసరి శ్రీనివాసరావు, వాకాముత్యాలు తదితరులు పాల్గొని చిన్నారులను అభినందించారు.

జ్ఞాపక చిహ్నాల ప్రదానం – కేక్ కటింగ్
విజేతలకు రేఖా కృష్ణార్జునరావు, గోలిమధు ప్రశంసా జ్ఞాపకాలను అందజేశారు. అనంతరం విజేత చిన్నారులు కేక్ కట్ చేసి ఆనందాన్ని పంచుకున్నారు.

మంగళగిరి (జర్నలిస్ట్ ఫైల్): మంగళగిరిలో పట్టణంలో చత్రపతి శివాజీ మహారాజ్ విగ్రహం, స్వామి వివేకానందుని విగ్రహం ఏర్పాటు చేయాలని బీజేపీ నాయకులు కోరారు. మంగళగిరి తాడేపల్లి నగర పాలక సంస్థ కమిషనర్ అలీం భాషా ను గురువారం కలిసి వినతి పత్రం అందజేశారు. ఈ కార్యక్రమంలో మంగళగిరి పట్టణ అధ్యక్షులు మునగాల నాగేశ్వరరావు, సీనియర్ నాయకులు మునగపాటి వెంకటేశ్వరరావు, పట్టణ ప్రధాన కార్యదర్శి కమల కృష్ణ, మొండి వీరబాబు,  పట్టణకోశాధికారి  రామ మల్లేశ్వరరావు, మణికంఠ  తదితరులు పాల్గొన్నారు.

గుంటూరు, పెదకాకాని ( జర్నలిస్ట్ ఫైల్):- పెదకాకాని శాఖ గ్రంథాలయంలో గ్రంథాలయాధికారి విజయ్ కుమార్ ఆధ్వర్యంలో మంగళవారం ఏపీజే అబ్దుల్ కలాం 93వ,జయంతి వేడుకలు  మంగళవారం ఘనంగా నిర్వహించారు. ఈ సందర్భంగా ఆయన చిత్రపటానికి పూలమాలలు వేసి ఘన నివాళులర్పించారు. కార్యక్రమంలో ఎంపీపీ ఎస్ ఎల్ ఈ స్కూలు ప్రధానోపాధ్యాయులు కొల్లిపర ఆనందరావు, ఉపాధ్యాయులు నాగలక్ష్మి, హేమలత, సీత, రాధిక, సాంబశివరావు, విద్యార్థులు పాల్గొన్నారు.

మంగళగిరి ( జర్నలిస్ట్ ఫైల్ )  : మంగళగిరి ఎయిమ్స్ హాస్పిటల్ లో ప్రపంచ అనాటమీ సందర్భంగా విద్యార్థులు మంగళవారం అవగాహన ర్యాలీ నిర్వహించారు. ర్యాలీలో మరణం అనంతరం శరీరం మరియు అవయవ దానాలపై ప్రజలకు అవగాహన  ఎయిమ్స్ విద్యార్థులు అవగాహన కల్పించారు
ఎయిమ్స్ హాస్పిటల్ నుండి మంగళగిరి పట్టణంలో మున్సిపల్ కార్యాలయం వరకు అవగాహన ర్యాలీ నిర్వహించారు. ఈ సందర్భంగా మంగళగిరి కి చెందిన దామర్ల నిర్మల అనే మహిళ తన మరణానంతరం తన యొక్క పార్థివ దేహాన్ని పరిశోధనల నిమిత్తం ఇస్తున్నట్లు తెలిపారు ఈ కార్యక్రమంలో పెద్ద సంఖ్యలో ఎయిమ్స్ డాక్టర్లు సిబ్బంది విద్యార్థులు విద్యార్థులు  పాల్గొన్నారు.

నగరపాలక సంస్థ కమిషనర్ ఆలిం భాష

మంగళగిరి ( జర్నలిస్ట్ ఫైల్ ) రెండు మూడు రోజులు భారీ వర్షాలు కురిసే అవకాశాలు ఉన్నట్లు వాతావరణ శాఖ ఇచ్చిన సమాచారం మేరకు మంగళగిరి - తాడేపల్లి కార్పొరేషన్ పరిధిలోని ప్రజలు అప్రమత్తంగా ఉండాలని కమిషనర్ అలీం బాషా అన్నారు. ఈ మేరకు సోమవారం ఆయన మాట్లాడుతూ.. ముందస్తు సమాచారం అందించేందుకు ప్రత్యేక కాల్ సెంటర్ నంబర్లు (7093912653, 08645- 295193 ) ఏర్పాటు చేశామన్నారు. అలానే కొండ ప్రాంతాలు, లోతట్టు ప్రాంతాల ప్రజలు అప్రమత్తంగా ఉండాలన్నారు.

ప్రభుత్వంపై నమ్మకంతో 90 వేల మంది దరఖాస్తులు చేసుకున్నారు
కల్తీ మద్యాన్ని పూర్తిగా నిషేధించి కొత్త మద్యం పాలసీతో ముందుకొచ్చాం

గతంలో తయారీ నుండి అమ్మకం వరకు ఒకరి చేతుల్లోనే

గత ఐదేళ్లు సగటున ఏటా రూ.25 వేల కోట్ల ఆదాయం ఉంది. ప్రస్తుతం 10శాతం పెరిగి ఏటా రూ.30 వేల కోట్ల వరకు ఆదాయం వస్తుందని అంచనా వేస్తున్నాం. ప్రస్తుతం తెలంగాణ, కర్ణాటక లాంటి ప్రాతాలకు మద్యం అక్రమ రవాణా జరగకుండా తగు చర్యలు తీసుకుంటాం. త్వరలోనే టెండర్ కమిటీ ఏర్పాటు చేసి కొత్త బ్రాండ్లకు అనుమతులు మంజూరు చేస్తాం. ఇప్పటికే నమోదైన బ్రాండ్లు షాపులు ప్రారంభం నుండే అందుబాటులో ఉంటాయి. గీత కార్మికులకు త్వరలోనే నోటిఫికేషన్ ఇచ్చి వారికి కేటాయించిన షాపుల్ని భర్తీ చేస్తాం అని పేర్కొన్నారు..

90 రోజులు గడుస్తున్న..  ముందుకు సాగని వైనం ..!

అప్పిరెడ్డి ముఖ్య  అనుచరుడు..  పానుగంటి చైతన్య కోర్టులో లొంగుబాటు

మంగళగిరి ( జర్నలిస్ట్ ఫైల్ ) : ప్రభుత్వం అత్యంత ప్రతిష్టాత్మకంగా భావిస్తున్న, ఆ రెండు కేసుల విషయంలో మంగళగిరి రూరల్, తాడేపల్లి పోలీసుల ఆధ్వర్యంలో విచారణ నత్తనడక సాగుతోంది. 2021 లో వైసీపీ సర్కార్ హయాంలో టిడిపి కేంద్ర కార్యాలయం పై, వైసిపి అరాచక మూకల దాడులు, విధ్వంసం, ఆలాటి ప్రతిపక్ష నేత చంద్రబాబు ఇంటిపై వైసీపీ మూకల దాడులపై  నమోదైన కేసుల విషయంలో మంగళగిరి రూరల్ ,తాడేపల్లి పోలీసుల విచారణ 90 రోజుల నుండి నత్త నడకన సాగుతోంది తప్ప ముందుకు వెళ్లడం లేదు అని విమర్శలు వినిపిస్తున్నాయి. దీనితో టీడీపీ, జనసేన, బిజెపి కూటమి సర్కార్ పోలీసుల విచారణ తీరుపై ఆగ్రహంతో ఉన్నట్లు సమాచారం. అందుకే ఆ రెండు కేసులను సిఐడి కి అప్పగిస్తూ ప్రభుత్వం ఆదేశాలు జారీ చేసింది.

వైసీపీ మూకల విధ్వంసం.

2021 అక్టోబర్ 19 న టీడీపీ కేంద్ర కార్యాలయం పై వైసీపీ అరాచక మూకలు దాడికి తెగబడ్డాయి .ఎమ్మెల్సీలు లేళ్ల అప్పిరెడ్డి తలసిల రఘురాం, బాపట్ల మాజీ ఎంపీ నందిగం సురేష్, విజయవాడ తూర్పు వైసీపీ ఇన్చార్జి దేవినేని అవినాష్ ఆధ్వర్యంలో వైసీపీ ముఖ్య నేతల ఆదేశాలతో దాడులకు పదక రచన జరిగిందని టిడిపి నేతల విమర్శ. వైసిపి నేతలు వందలాది మంది కార్యకర్తలు వారి అనుచరులు పలువురు రౌడీషీటర్లు ఈ దాడిలో పాల్గొన్నారు. టిడిపి కార్యాలయ ప్రధాన గేటును కూల్చివేసి లోపలికి ప్రవేశించిన అరాచక మూకలు కార్యాలయ సిబ్బందిపై విచక్షణ రహితంగా దాడి చేశారు. చంపటానికి కూడా ప్రయత్నం చేశారు. రాడ్లు కర్రలు, రాళ్లతో అద్దాలు పగలగొట్టారు. కార్ల అద్దాలు ధ్వంసం చేశారు. కార్యాలయ సామాగ్రిని ధ్వంసం చేసి అక్కడ బీభత్సం సృష్టించారు.

 దాడి విషయమై ముందుగానే సమాచారం అందుకున్న టిడిపి కార్యాలయ సిబ్బంది మంగళగిరి పట్టణ, రూరల్ పోలీస్ స్టేషన్ లకు ఫోన్ చేసి సమాచారం అందించారు. అయినా టిడిపి కార్యాలయంలో విందులు దాడి చేసి విధ్వంసం సృష్టించి వెళ్లిపోయే వరకు పోలీసులు టిడిపి కేంద్ర కార్యాలయం వైపు కన్నెత్తి కూడా చూడలేదు. టిడిపి నాయకులు సంబంధిత పోలీస్ స్టేషన్లో ఫిర్యాదు చేసినప్పటికీ ఆనాటి పోలీస్ అధికారులు తూతూ మంత్రం గా కేసు నమోదు చేసి చేతులు దులిపేసుకున్నారు.

దాక్కున్న నిందితులు

కూటమి సర్కార్ అధికారంలోకి రాగానే టిడిపి కేంద్ర కార్యాలయం పై దాడి చేసిన వైసీపీ అరాచక మూకలు, నేతలు అజ్ఞాతంలోకి వెళ్లిపోయారు.  సర్కార్ అధికారంలోకి వచ్చిన తర్వాత చంద్రబాబు ప్రభుత్వం ఈ రెండు దాడుల కేసుల ఫైళ్లు వెలికి తీసింది.

పోలీస్ అధికారుల సస్పెండ్..

కేసు నమోదు దర్యాప్తు విషయములో నిర్లక్ష్యం వహించిన అప్పటి సీఐ,ఎస్ఐను ప్రభుత్వం సస్పెండ్ చేసింది. ఈ కేసులో కీలక  నిందితులు సుప్రీంకోర్టును ఆశ్రయించారు. ఈ దాడి కేసులో నందిగం సురేష్ కు హైకోర్టు షరతులతో కూడిన బెయిల్ మంజూరు చేసింది. అయితే తుళ్లూరు మండలం లో జరిగిన ఓ వృద్ధురాలు హత్య కేసులో ఆయనను పీటీ వారం పై పోలీసులు కోర్టులో హాజరుపరచుగా అతనికి న్యాయమూర్తి 14 రోజులు రిమాండ్ విధించారు. ప్రస్తుతం నందిగం సురేష్ గుంటూరు జైల్లో ఉన్నారు.

106 మంది నిందితులు

ఈ దాడి కేసులో ప్రస్తుతం 16 మందిని నిందితులుగా పోలీసులు గుర్తించారు. ఈ కేసులో వైసిపి ఎమ్మెల్సీ  అప్పిరెడ్డి, తలసిల రఘురాం, దేవినేని అవినాష్ ను సుప్రీంకోర్టు సూచన మేరకు రూరల్ పోలీసులు విచారిస్తున్నారు. అయితే వారు పోలీసుల విచారణకు ఏమాత్రం సహకరించడం లేదు

పానుగంటి చైతన్య లొంగుబాటు

టిడిపి కేంద్ర కార్యాలయం పై దాడి ఘటనలో అత్యంత కీలకంగా వ్యవహరించిన ఎమ్మెల్సీ అప్పిరెడ్డి ముఖ్య అనుచరుడు పానుగంటి చైతన్య సోమవారం అనూహ్యంగా మంగళగిరి కోర్టులో లొంగి పోయారు. ఇంకా ఈ దాడిలో పాల్గొన్న అప్పిరెడ్డి అనుచరులు గుంటూరులో కళ్ళ ముందు కనబడుతున్నా పోలీసులు అరెస్టు చేయకపోవడం పలు అనుమానాలకు తావిస్తున్నది. ఇందులో కూడా మంగళగిరి రూరల్ పోలీసుల వైఫల్యం కొట్టొచ్చినట్లు కనబడుతున్నదని విమర్శలు కూడా లేకపోలేదు.

చంద్రబాబు నివాసం పై దాడి కేసు..!

అలాంటి ప్రతిపక్ష నేత చంద్రబాబు నాయుడు నివాసం పై దాడి కేసులో కూడా పోలీసుల వైఫల్యం కనిపిస్తుంది .ఈ కేసులో 30 మంది నిందితులను పోలీసులు ప్రాథమికంగా గుర్తించారు. ఇందులో ప్రధాన నిందితుడైన వైసీపీ మాజీ మంత్రి జోగి రమేష్ కు  కింది కోర్ట్  లో బెయిలు నిరాక రించడంతో సుప్రీంకోర్టును ఆశ్రయించారు. ఇందులో 14 మందిని మాత్రమే పోలీసులు అరెస్ట్ చేశారు. మిగతా నిందితులను అరెస్టు చేయవలసి ఉంది.

నత్తే నయం..!

ఆనాటి ప్రతిపక్ష నేత చంద్రబాబు నాయుడు ఇంటిపై వైసీపీ మూకల దాడి ,అలాగే టిడిపి సెంట్రల్ ఆఫీసు పై అరాచక మూకల దాడులు పై నమోదు అయిన కేసుల విచారణలో పోలీసులు వైఫల్యం చెందారని ప్రభుత్వం ఆగ్రహంతో ఉంది. నిందితుల అరెస్టు, విచారణ, మిగతా నిందితుల అరెస్టు విషయంలో పోలీసుల దర్యాప్తు కన్నా.. నత్తనడక నయమన్న చందాన ఉన్నదని విమర్శలు ఉన్నాయి.రెండు కేసుల విషయంలో పోలీసుల దర్యాప్తు 90 రోజులుగా సాగుతూ ఉండటంతో కూటమి పెద్దలు తీవ్ర అసంతృప్తితో ఉన్నట్లు సమాచారం

సిఐడి కి అప్పగింత..

దీనితో ఆ రెండు కేసులను సిఐడి కి అప్పగిస్తూ ప్రభుత్వం ఆదేశాలు జారీ చేసింది .సోమవారం సుప్రీంకోర్టు ఆదేశాల మేరకు లేళ్ల అప్పిరెడ్డి తలశిల రఘురాం, దేవినేని అవినాష్ ను రూరల్ పోలీసులు విచారించారు .వారు పోలీసులకు సరిగా సహకరించడం లేదని సమాచారం. రెండు కేసులను సిఐడికి అప్పగించనున్నదని సమాచారం రావడంతో  అప్పి రెడ్డి ముఖ్య అనుచరుడు పానుగంటి చైతన్య సోమవారం మంగళగిరి కోర్టులో లొంగిపోయారు. వాస్తవానికి చైతన్య కోర్టులో లొంగిపోనున్నాడని సమాచారం ఉన్నది అయినప్పటికీ అతనిని, పోలీసులు ముందుగా అరెస్ట్ చేయలేకపోయారు.  ఇది కూడా ఒక రకం.గా పోలీసుల వైఫల్యమే..! ఏది ఏమైనా పోలీసుల దర్యాప్తు నత్తనడకగా సాగుతూ ఉండటంతో ప్రభుత్వం సిఐడి కి ఆ రెండు కేసుల విచారణను అప్పగిస్తూ ఆదేశాలు జారీ చేయడంతో.. ఆ రెండు కేసులలోని నిందితులు భయాందోళనలతో ఉన్నట్లుగా సమాచారం. అందుకే అప్పి రెడ్డి ముఖ్య మిత్రుడు చైతన్య కోర్టులో లొంగి పోయాడు అని తెలుస్తోంది.