nellore - Journalistfile Telugu News

Centre Boosts AP's HPV Shield: 3.81 Lakh Doses and Counting

Journalist File Desk — Tue, 07 Apr 2026 06:22:52 +0530

Over 33% of target beneficiaries inoculated so far; vaccination centres to remain operational through May, says Health Minister Satyakumar Yadav

AMARAVATI : The Central government has dispatched an additional 1,90,890 doses of the Human Papillomavirus (HPV) vaccine to Andhra Pradesh, reinforcing the state's ongoing drive to protect adolescent girls against cervical cancer, Health and Medical Minister Satyakumar Yadav announced on Monday.

The fresh consignment follows an earlier batch of 1,90,800 doses supplied last month under the first instalment of the Central government's HPV vaccination initiative, taking the total doses received by the state to 3,81,780. The vaccine is being administered to girls in the 14 to 15 age group as part of a targeted public health intervention aimed at preventing cervical cancer.

Mr. Yadav said authorities were taking steps to distribute the newly arrived doses to districts in proportion to the number of eligible girls in each area. He confirmed that vaccination centres across the state would continue to function without interruption through May, and added that the completion of Class X public examinations was expected to further accelerate the pace of inoculation as school-going girls became more accessible.

Over One Lakh Girls Vaccinated So Far

According to data compiled from village and ward secretariats, there are approximately 3.45 lakh girls in the state who have completed 14 years of age but have not yet turned 15 — the designated target group for the current phase of the drive. Of these, 1,14,512 girls, representing 33.19 per cent of the total, had received the vaccine by Monday afternoon.

Among the districts, Kurnool recorded the highest number of beneficiaries at 6,785, followed closely by Nellore at 6,726, YSR district at 6,725, and Anantapur at 6,655. At the other end of the spectrum, Polavaram district reported the lowest coverage with 669 girls vaccinated, followed by Alluri Sitarama Raju district at 1,063, Sri Sathya Sai at 2,769, and Anakapalli at 2,959.

Cold Chain Infrastructure and Safety Protocols

The vaccine is being administered at 1,645 primary and urban health centres across the state that have been identified as having adequate cold chain storage facilities. Health officials said girls were being observed for 30 minutes after receiving the shot as a standard precautionary measure, and that no adverse reaction cases had been reported thus far.

In keeping with Central government directives, 500 doses from the first consignment were separately dispatched to Yanam. Officials noted that Andhra Pradesh was among the states in the forefront of implementing the Central guidelines on HPV vaccination, describing the initiative as a critical step towards reducing the burden of cervical cancer.

Mr. Yadav reiterated that the HPV vaccine was both safe and effective and urged parents to ensure that eligible girls in the target age group availed themselves of the free vaccination at the nearest health centre before the current drive concluded.

ఘనంగా కామ్రేడ్ తోట సుధాకర్ ప్రసాద్ 23వ వర్ధంతి వేడుకలు

Journalist File Desk — Fri, 27 Sep 2024 22:41:25 +0530

నెల్లూరులో కాంస్య విగ్రహ ఆవిష్కరణ

నెల్లూరు ( జర్నలిస్ట్ ఫైల్ ) : కమ్యూనిస్టు నేత మరియు ఉద్యోగ సంఘాల యోధుడు కామ్రేడ్ తోట సుధాకర్ ప్రసాద్ 23వ వర్ధంతి కార్యక్రమం ఈ రోజు ఉదయం ఘనంగా నిర్వహించారు. ఈ కార్యక్రమం సందర్భంగా, వారి సతీమణి శ్రీమతి తోట కామాక్షి సుధాకర ప్రసాద్, ఆంధ్రప్రదేశ్ రెవెన్యూ సర్వీసెస్ అసోసియేషన్ ఆధ్వర్యంలో నెల్లూరు నగరంలోని వాత్సల్య వృద్ధాశ్రమంలో వృద్ధులకు పండ్లు, దుప్పట్లు పంపిణీ చేశారు.

అనంతరం, భక్తవత్సల నగర్లో రెవిన్యూ భవన్‌కు కేటాయించిన స్థలంలో కామ్రేడ్ తోట సుధాకర్ ప్రసాద్ కాంస్య విగ్రహాన్ని ఆవిష్కరించడం జరిగింది. ఈ కార్యక్రమంలో ఆంధ్రప్రదేశ్ రెవెన్యూ సంఘం అధ్యక్షుడు మరియు ఏపీ జేఏసీ అమరావతి చైర్మన్ బొప్పరాజు వెంకటేశ్వర్లు , జిల్లా సంయుక్త కలెక్టర్ కే. కార్తీక్ , జిల్లా రెవెన్యూ అధికారి ఎస్. లవన్న, శ్రీమతి కామాక్షి సుధాకర్ ప్రసాద్ కుటుంబ సభ్యులు పాల్గొన్నారు.

కామ్రేడ్ తోట సుధాకర్ ప్రసాద్ సేవలపై శ్రద్ధాంజలి

శ్రీమతి కామాక్షి సుధాకర్ ప్రసాద్ మాట్లాడుతూ, తమ భర్త ఉద్యోగుల శ్రేయస్సే ధ్యేయంగా జీవితాంతం పని చేసిన వ్యక్తి అని, ఆయన కుటుంబానికి కంటే ఉద్యోగుల సంక్షేమం ఎక్కువ ప్రాధాన్యత ఇచ్చేవారని గుర్తు చేసుకున్నారు. ఆయన అంకిత భావంతో నిరంతరం ఉద్యోగుల సమస్యల పరిష్కారానికి కృషి చేశారని, చివరకు ఆశయ సాధనలో ప్రాణం కోల్పోయారని భావోద్వేగంగా తెలిపారు.

సుధాకర్ ప్రసాద్ ఆశయాల వారసత్వం

బొప్పరాజు వెంకటేశ్వర్లు మాట్లాడుతూ, కామ్రేడ్ సుధాకర్ ప్రసాద్ ఉద్యోగుల కోసం, వారి హక్కుల సాధన కోసం అప్పటి ప్రభుత్వాలతో రాజీ లేని పోరాటం చేసి ఎన్నో రాయితీలను సాధించారని కొనియాడారు. సుధాకర్ ప్రసాద్ గారి ఆశయాలను వారసత్వంగా తీసుకుని, ఉద్యోగుల సమస్యల పరిష్కారమే లక్ష్యంగా పని చేయడం సమర్థ నాయకత్వం చూపుతుందని తెలిపారు.

కార్యక్రమంలో ఆంధ్రప్రదేశ్ రెవెన్యూ సర్వీసెస్ అసోసియేషన్ జనరల్ సెక్రటరీ రామిశెట్టి వెంకట రాజేష్, డివిజనల్ రెవెన్యూ అధికారి ఏ. మలోలా, నెల్లూరు జిల్లా రెవెన్యూ సంఘం నాయకులు అల్లంపాటి పెంచల రెడ్డి, తదితర నాయకులు పాల్గొన్నారు.

ఈ కార్యక్రమం ద్వారా కామ్రేడ్ సుధాకర్ ప్రసాద్ సేవలను గుర్తు చేసుకుంటూ, భవిష్యత్ లో ఆయన ఆశయాలను కొనసాగిస్తూ ఉద్యోగుల శ్రేయస్సు కోసం కృషి చేయాలని ప్రతి ఒక్కరు ప్రతిజ్ఞ చేశారు.

జగన్ ఒక చీటర్..బ్లాక్ మెయిలర్

Journalist File Desk — Tue, 24 Sep 2024 13:11:01 +0530

కోట్లాది మంది మనోభావాలను దెబ్బ తీశారు

దేవాదాయ శాఖ మంత్రి ఆనం రామనారాయణ రెడ్డి

నెల్లూరు ( జర్నలిస్ట్ ఫైల్ ) : టీడీపీ ప్రభుత్వం అధికారంలోకి వచ్చాక గడిచిన 100 రోజుల్లో అనేక మంచి కార్యక్రమాలు చేపట్టామని దేవాదాయ శాఖ మంత్రి ఆనం రామనారాయణరెడ్డి తెలిపారు. సోమవారం ఆత్మకూరు పట్టణంలోని పేరారెడ్డిపల్లి గ్రామంలో ‘‘ఇది మంచి ప్రభుత్వం’’ కార్యక్రమంలో మంత్రి పాల్గొని ప్రసంగించారు. తిరుమలలో శ్రీ వేంకటేశ్వర స్వామి ప్రసాదమైన లడ్డులో కల్తీ నెయ్యి వాడి గత పాలకుల దోపిడి చేశారని మండిపడ్డారు. ముఖ్యమంత్రి చంద్రబాబు నాయుడు ఆదేశాలతో పరీక్షలు నిర్వహిస్తే నివేదికలలో జంతువుల కొవ్వు ఉందని స్పష్టం చేశాయన్నారు.

మూడు సంవత్సరాలు అనుభవం ఉండాల్సి ఉంటే సంవత్సరం కూడా అనుభవ లేని కంపెనీలకు కట్టపెట్టారన్నారు. జగన్ ముఖ్య మంత్రి అవడానికి సొంత బాబాయినే హత్య చేశారని... తిరుమలను దోచుకోమని మరో బాబాయిని పంపించారంటూ వ్యాఖ్యలు చేశారు. ఇంత అపచారం జరిగి ఉంటే ఏమి తెలియని నంగనాచిలా ప్రధానికి లేఖ రాశారంటూ ఆగ్రహం వ్యక్తం చేశారు. జగన్ ఒక చీటర్..బ్లాక్ మెయిలర్ అంటూ వ్యాఖ్యలు చేశారు. కోట్లాది మంది మనోభావాలను దెబ్బ తీశారని జగన్‌పై మంత్రి ఆనం రామనారాయణ రెడ్డి తీవ్రస్థాయిలో ధ్వజమెత్తారు.

చంద్రబాబు 100 రోజుల పాలన చూసే.. టీడీపీలో చేరికలు

Journalist File Desk — Sun, 22 Sep 2024 21:47:03 +0530

పురపాలక శాఖ మంత్రి నారాయణ

నెల్లూరు ( జర్నలిస్ట్ ఫైల్ ) : సీఎం చంద్రబాబు 100 రోజుల పాలన చూసి పలువురు టీడీపీలో చేరుతున్నారని పురపాలక శాఖ మంత్రి నారాయణ అన్నారు. జిల్లాలోని బుచ్చిరెడ్డిపాలెం నగర పంచాయతీ ఛైర్పర్సన్ మోర్ల సుప్రజ వైకాపాను వీడి తెలుగుదేశంలో చేరారు. కోవూరు ఎమ్మెల్యే వేమిరెడ్డి ప్రశాంతిరెడ్డి ఆధ్వర్యంలో మున్సిపల్ శాఖ మంత్రి నారాయణ, నెల్లూరు ఎంపీ వేమిరెడ్డి ప్రభాకర్రెడ్డి.. కండువా కప్పి పార్టీలోకి ఆహ్వానించారు. ఛైర్పర్సన్తో పాటు మరో ఏడుగురు వైకాపా కౌన్సిలర్లు టీడీపీలో చేరారు.

తెలుగుదేశం పార్టీ విధానాలు నచ్చి, బుచ్చిరెడ్డిపాలెం నగర పంచాయతీ అభివృద్ధి కోసం తాము టీడీపీలో చేరామని ఈ సందర్భంగా వారు ప్రకటించారు. అందరికి సహకారంతో బుచ్చిరెడ్డిపాలెం నగర పంచాయతీని ఆదర్శంగా తీర్చిదిద్దుతామని ఎమ్మెల్యే ప్రశాంతిరెడ్డి తెలిపారు. గత వైసీపీ ప్రభుత్వం స్థానిక సంస్థల నిధులను దారి మళ్లించడంతో అభివృద్ధి జరగలేదని మంత్రి నారాయణ అన్నారు. నిధుల లేమితో అభివృద్ధికి నోచుకోని నగర పంచాయతీకి కూటమి ప్రభుత్వం అధికారంలోకి వచ్చాక రూ.1.42 కోట్లు మంజూరు చేసినట్లు తెలిపారు. పట్టణాన్ని అన్ని విధాలా అభివృద్ధి చేసేలా మరిన్ని నిధులు విడుదల చేసేందుకు కృషి చేస్తామని ప్రకటించారు. గెలిపించిన ప్రజలకు మంచి చేయాలనే టీడీపీలో చేరుతున్నారన్నారు. స్థానిక సంస్థలకు కేంద్రం ఇచ్చే నిధులను జగన్ రాబట్టలేకపోయారని మంత్రి నారాయణ విమర్శించారు.

అమరావతి నాశనమే జగన్ పంతం

Journalist File Desk — Thu, 19 Sep 2024 20:05:59 +0530

అధికారం పోయిందని అమరావతిపై జగన్ విషం కక్కుతున్నాడు

అమరావతి గురించి మాట్లాడే హక్కు జగన్ కు లేదు

ఏపీకి పెట్టుబడులు వస్తే జగన్‌కు కడుపుమంట

రాష్ట్ర ప్రజల భవిష్యత్తు నాశనం కావాలని జగన్ చూస్తున్నాడు

వైసీపీ నేతలు సిగ్గుమాలిన రాజకీయాలు చేస్తున్నారు

మాజీ మంత్రి సోమిరెడ్డి చంద్రమోహన్ రెడ్డి

అమరావతి ( జర్నలిస్ట్ ఫైల్ ) : జగన్మోహన్ రెడ్డి అధికారం కోల్పోవడంతో ఏపీ రాజధాని అమరావతిపై విషం కక్కుతున్నాడని మాజీ మంత్రి సోమిరెడ్డి చంద్రమోహన్ రెడ్డి అన్నారు. మంగళగిరిలోని తెలుగుదేశంపార్టీ కేంద్ర కార్యాలయంలో గురువారం నిర్వహించిన విలేకరుల సమావేశంలో సోమిరెడ్డి మాట్లాడుతూ....రాష్ట్ర రాజధాని అమరావతి అత్యంత సురక్షితమైన ప్రదేశం. కృష్ణానదికి ఆనుకుని ఉన్న అమరావతి కృష్ణా నదికి రికార్డుస్థాయిలో 11.43లక్షల క్యూసెక్కుల వరద వచ్చినా చెక్కు చెదరలేదు, చుక్క నీరు నిలవలేదు. అమరావతిలో వర్షం వల్ల వచ్చిన నీరు తప్ప, ఎలాంటి వరద అమరావతిని టచ్ చేయలేకపోయింది. చంద్రబాబు పాలనలో అమరావతికి పెట్టుబడులు భారీగా వస్తుండడంతో, వాటిని ఆపేందుకు జగన్ కుట్రపూరిత చర్యలకు దిగుతున్నాడు. ఇది చాలా సిగ్గు చేటు. జగన్ వైఖరిని ఖండిస్తున్నాను.

ఏపీకి పెట్టుబడులు వస్తే జగన్‌కు కడుపుమంట..

చంద్రబాబుపాలనలో ఏపీ రాజధాని అమరావతికి పెద్దఎత్తున పెట్టుబడులు వస్తున్నాయి. దీన్ని చూసి జగన్మోహన్ రెడ్డికి కడుపు మంట మొదలైంది. తన పాలనలో ఏపీకి ఒక్క పెట్టుబడి కూడా రాలేదు. జగన్ అధికారంలో ఉండగా అమరావతి నుండే పరిపాలన చేసి, నేడు దాన్ని కూల్చాలని చూస్తున్నాడు.

చంద్రబాబు విజనరీ పాలనను చూసి నేడు అమరావతిలో పెట్టుబడులు పెట్టేందుకు ఆస్ట్రేలియా, యూఏఈ ఆసక్తి చూపిస్తోంది. రూ.250 కోట్లతో జేవియర్ స్కూల్ ఆఫ్ మేనేజ్మెంట్ సంస్థ ఏర్పాటు కానుంది. ఎస్.ఆర్. ఎం యూనివర్సిటీలో మెడికల్ కళాశాల ఏర్పాటు చేయబోతున్నారు. జాతీయ న్యాయ విశ్వవిద్యాలయం ఏర్పాటు చేసేందుకు బీసీఐ ( బార్ కౌన్సిల్ ఆఫ్ ఇండియా ) ప్రతినిధులు సీఎం చంద్రబాబుతో భేటీ అయ్యారు. రూ.300 కోట్లతో హెచ్పీసీఎస్, ఎన్టీపీసీ, ఓన్జీసీ, ఇండియన్ న్యాంక్, ఎస్బీఐ వంటి ప్రఖ్యాత సంస్థలు తమ కార్యకలాపాలను ఇక్కడ నుంచే మొదలుపెట్టేందుకు ముందుకు వచ్చాయి. ఏఐ హబ్ రూ.150 కోట్లుతో పెట్టుబడి పెట్టాలని చూస్తున్నాయి. ఇలాంటి సందర్భంలో తెలుగువాడిగా పుట్టిన ప్రతివాడు ఏపీ ప్రజల భవిష్యత్తు బాగుపడుతుందని సంతోషించాలి. కానీ జగన్ బాధపడుతున్నాడు, రాజధానిపై విషం కక్కుతున్నాడు.

మహానగరాలే ప్రకృతి విపత్తులు వస్తే మునిగిపోయాయి..

సముద్ర మట్టానికి అమరావతి 35మీటర్ల ఎత్తులో ఉంది. హైదరాబాద్ సముద్ర మట్టానికి 536మీటర్ల ఎత్తులో ఉంది. హైదరాబాద్ లో చెప్పుకోదగిన నదులు లేవు, మంచి డ్రైనేజీ వ్యవస్థ ఉంది. గచ్చిబౌలి, మాదాపూర్ లో కురిసిన వర్షం నీరు మూసీనది ద్వారా కృష్ణానదిలోకి వెళ్లిపోతాయి. ఇంజినీరింగ్ పితామహుడు మోక్షగుండం విశ్వేశ్వరయ్య డ్రైనేజీ సిస్టమ్ కు రూపకల్పన చేశారు. మూసీ నది నుండి వచ్చే వరదల నుండి హైదరాబాద్ ను కాపాడేందుకు హిమయత్ సాగర్, హుస్సేన్ సాగర్, ఉస్మాన్ సాగర్ వంటి నిర్మాణాలు మోక్షగుండం పర్యవేక్షణలో జరిగాయి. హైదరాబాద్ డ్రైనేజీ నిర్మాణం వ్యవస్థకు 100 సంవత్సరాల చరిత్ర ఉంది. కానీ భారీ వర్షాలు వస్తే హైదరాబాద్ మునిగిపోతుంది. చెన్నై సముద్ర మట్టానికి 7 మీటర్ల ఎత్తులో ఉంది. సముద్రం పొంగినప్పుడు డ్రైనేజీ సిస్టం స్థంభించిపోతుంది. చెన్నైలో అడయార్, గూమ్ నదులు చాలా చిన్నవి. మూమూలు రోజుల్లో వర్షాలు వచ్చినా అవి మునిగిపోతాయి. చెన్నైలో మంచి డ్రైనేజీ వ్యవస్థ ఉంది, కానీ భారీ వర్షాలు వస్తే చెన్నై మొత్తం జలదిగ్బంధంగా మారుతుంది. 2015లో చెన్నైలో వరదలు వస్తే 40లక్షల మంది ఇబ్బందులు పడ్డారు, 250మంది చనిపోయారు. ముంబై, బెంగళూరు, హైదరాబాద్, చెన్నై వంటి పెద్ద పెద్ద నగరాలు వరదల సమయంలో అతలాకుతలం అయిన ఘటనలు మనం గతంలో చాలా చూశాం. కానీ నేడు అమరావతి ఎంత వరద, ఎంత వర్షం వచ్చినా సేఫ్ గా ఉంది.

కర్నూలు సముద్ర మట్టానికి 274మీటర్ల ఎత్తులో ఉంటుంది. తుంగభద్ర నుండి చిన్న వరద 2009లో వస్తే కర్నూలు కకావికలం అయ్యింది. రాజధాని ప్రాంతంలో హైకోర్టు, సచివాలయం వంటి వాటిలో కార్యకలాపాలు అన్నీ యథావిధిగా జరిగాయి. చంద్రబాబు విజన్ కు అమరావతి ఒక నిదర్శనం.

అమరావతి నాశనమే వైసీపీ పంతం..

ఏపీ రాజధాని అమరావతిని నాశనం చేయడమే వైసీపీ పంతంగా పెట్టుకుంది. కృష్ణానదికి గతంలో ఎన్నడూ రాని విధంగా వరద వస్తే దాన్ని కారణంగా చూపించి, రాజధానిని నాశనం చేయాలని చూడడం జగన్మోహన్ రెడ్డి విధ్వంసకర విధానాలకే నిదర్శనం. అమరావతిని ఆధునిక నగరంగా తీర్చిదిద్దాలనే చంద్రబాబు ఆలోచనలు ఫలించాలని కోరుకోవాలి కాని, నాశనం కావాలని కోరుకోవడం ఏంటి జగన్? అమరావతి గురించి నోరెత్తే నైతిక హక్కు నీకు ఉందా జగన్? నువ్వు అధికారంలో ఉండగా ఎక్కడి నుండి పరిపాలన చేశావ్? విశాఖ నుండి చేశావా? అమరావతి నుండి చేశావా?

ఐదేళ్లు ఇరిగేషన్ శాఖను పడుకోబెట్టిన అసమర్ధుడు జగన్..

జగన్మోహన్ రెడ్డికి నీటిపారుదలశాఖ(ఇరిగేషన్)పై కనీస అవగాహన లేదు. టీఎంసీ, క్యూసెక్కులకు తేడా తెలియని అసమర్ధుడు జగన్. ముఖ్యమంత్రిగా జగన్ తన అసమర్ధ ఐదేళ్ల పాలనలో నీటిపారుదలశాఖను పడుకోబెట్టాడు. కనీసం కాలువల్లో పూడిక తీసిన పరిస్థితులు కూడా లేవు. 10వేల క్యూసెక్కుల కెపాసిటీ కలిగిన ఏలేరు రిజర్వాయర్ కు రూ.292కోట్లతో 70వేల క్యూసెక్కులు పోయేందుకు చంద్రబాబు డిజైన్ చేస్తే ఆ పనులను జగన్మోహన్ రెడ్డి ముందుకు తీసుకెళ్లలేదు. కానీ జగన్ ఏలేరు ముంపు ప్రాంతానికి వెళ్లి ఏలేరు ఆధునీకరణ పనులు 14వేల క్యూసెక్కులకే గతంలో చేపట్టారని మాట్లాడి తన అసమర్ధతను నిరూపించాడు. నీటిపారుదలశాఖపై కనీస అవగాహన లేని జగన్మోహన్ రెడ్డి గత ఐదేళ్లు రాష్ట్రాన్ని ముంచాడు. జగన్ పాలనలో నీటిపారుదలశాఖ మంత్రి రోడ్లపై డ్యాన్సులు వేయడం తప్ప చేసిందేమీ లేదు.

విలేకరులు అడిగిన ప్రశ్నలకు సోమిరెడ్డి స్పందిస్తూ..

మాజీ మంత్రి కాకాణి గోవర్ధన్ రెడ్డి పాపాల చిట్టాను రాష్ట్ర ప్రభుత్వం, అధికారులు త్వరగా విప్పాలని కోరుతున్నాను. గత ఐదేళ్లలో కాకాణి గోవర్ధన్ రెడ్డి జిల్లాను అడ్డగోలుగా దోచుకున్నాడు. నెల్లూరుజిల్లాలో కాకాణి ఓ కేజీఎఫ్-3 వంటి వాడు. కాకాణి దోపిడీలను నిలదీశానని నాపైకి హిజ్రాలను పంపిన ఓ కోర్టు దొంగ కాకాణి. గత ఐదేళ్లలో కాకాణి గోవర్ధన్ రెడ్డి 68ఎకరాల్లో వరదాపురం మైన్ దోచుకున్నాడు. అంతేగాకుండా 14 హిటాచీలు, 30డంపర్లు, బ్లాస్టింగ్ ట్రక్కులను నేను రెడ్ హ్యాండెడ్ గా పట్టుకున్నాను. గూడూరు నియోజకవర్గంలో సిలికా, వెంకటగిరి నియోజకవర్గంలో క్వార్ట్జ్ మైనింగ్‌ను కాకాణి దోచుకుని వేల కోట్లు అడ్డగోలుగా సంపాదించాడు. ఇలాంటి వ్యక్తి చంద్రబాబు గురించి తప్పుడు కూతలు కూస్తున్నాడు. చంద్రబాబు గురించి మాట్లాడే ముందు కాకాణి ఒళ్లు దగ్గరపెట్టుకోవాలని హెచ్చరిస్తున్నాను. రాష్ట్రంలో ప్రతిపక్ష హోదా లేని వైసీపీ నాయకులు చంద్రబాబు గురించి నిస్సిగ్గుగా మాట్లాడుతున్నారు. అధికారం కోల్పోయిన తర్వాత వైసీపీ నేతలు నీతిమాలిన రాజకీయాలకు పాల్పడుతున్నారు. మేం ప్రతిపక్షంలో ఉండగా గతంలో ఎన్నడూ ఇలా చేయలేదు అని సోమిరెడ్డి చంద్రమోహన్ రెడ్డి అన్నారు.

ఇళ్ల నిర్మాణ నిధులు స్వాహా !

Journalist File Desk — Mon, 01 Apr 2024 13:27:47 +0530

నెల్లూరు, పొదలకూరు ( జర్నలిస్ట్ ఫైల్ ) : దశాబ్దాల క్రితం నిర్మించుకున్న గృహాలకు బిల్లులు చేసుకుని స్వాహా చేసిన వైనం పొదలకూరు మండలంలో వెలుగులోకి వచ్చింది. ఒక్కొక్కరి నుంచి రూ.30 వేల నుంచి రూ.50 వేలకు పైగా దండుకొని గృహ నిర్మాణ శాఖ సిబ్బంది జేబులు నింపుకొన్నారు. మండల పరిధిలో 2009-10 సంవత్సరంలో నిర్మించిన గృహాలను ఆన్ లైన్ లో నమోదు చేశారు. 80 ఇళ్లకు పైగా బిల్లులు మంజూరు కావడంతో లక్షల రూపాయలు కాజేశారు.

బిలులు మంజూరుపై వస్తున్న ఆరోపణలను కూపీ లాగడంతో గృహనిర్మాణ శాఖలో జరిగిన అవినీతి వెలుగులోకి వస్తోంది. మొగళ్లూరు సచివాలయ ఉద్యోగి సహకారంతో నిధులు పక్కదారి పట్టాయి అని ఆరోపిస్తున్నారు.తోడేరుతో పాటు మొగుళ్లూరు, అయ్యగారిపాళెం, చాటగొట్ల, బిరదవోలు, మరుపూరు, తాటిపర్తి, పొదలకూరు ఇలా.. పలుచోట్ల భారీగా నిధులు స్వాహా చేశారు.

2022-24 సంవత్సరంలో 5,004 గృహాలు నుడా కింద మంజూరయ్యాయి. పొదలకూరు, పులికల్లు, నేదురుపల్లి, ఎలికంటిపాలెం గ్రామాల్లోని జగనన్న కాలనీలో సుమారు 676 గృహాలుండగా, మరో 433 సొంత స్థలాల్లో నిర్మిస్తున్నారు. తెదేపా పాలనలో పనులు ప్రారంభించి అసంపూర్తిగా ఉన్న వాటిని పూర్తి చేయాలని ప్రభుత్వం ఆదేశాలివ్వడంతో దీన్ని ఆసరాగా తీసుకున్న హౌసింగ్ అధికారులు, సిబ్బంది చేతివాటం ప్రదర్శించారట!

సచివాలయ ఉద్యోగి సహకారంతో.. 2009-10 సంవత్సరం, అంతకుముందు నిర్మించుకున్న పాత గృహాలకు కొత్తగా బిల్లులు చేయించాలంటే సాంకేతికత నిపుణుడు అవసరం. మొగుళ్లూరు గ్రామ సచివాలయ పరిధిలో పనిచేసే ఒక ఉద్యోగికి దీనిపై అవగాహన ఉండటంతో అతని ద్వారా అనుమానం రాకుండా ఆన్లైన్ లో పొందుపరిచారు. ప్రభుత్వం ఒక్కో ఇంటికి రూ.1.50 లక్షల నుంచి రూ.1.80 లక్షలు బిల్లుల రూపంలో చెల్లిస్తోంది. వివిధ స్థాయిల్లో పూర్తి చేసిన వారికి నగదు వారి ఖాతాలో జమ చేసి వాటాలు దండుకున్నారు.