- మోడల్ స్కూల్స్ ప్రోగ్రెస్సివ్ టీచర్స్ అసోసియేషన్
అమరావతి (జర్నలిస్ట్ ఫైల్): కూటమి ప్రభుత్వం ఏర్పడిన మొదటి సంవత్సరంలోనే 16 వేల ఉపాధ్యాయ పోస్టుల భర్తీ పూర్తి చేయడం పట్ల మోడల్ స్కూల్స్ ప్రోగ్రెస్సివ్ టీచర్స్ అసోసియేషన్ హర్షం వ్యక్తం చేసింది. ఈ సందర్భంగా విద్యాశాఖ మంత్రి నారా లోకేశ్ కి ప్రత్యేక కృతజ్ఞతలు తెలిపింది. రాష్ట్ర గౌరవ అధ్యక్షుడు ఒంటేరు శ్రీనివాసుల రెడ్డి, రాష్ట్ర అధ్యక్షుడు కోమటిరెడ్డి శివ శంకర్ రెడ్డి, ప్రధాన కార్యదర్శి ఎం.డి. షఫీ ఒక ప్రకటనలో ఈ విషయాన్ని వెల్లడించారు.
ప్రతి సంవత్సరం డీఎస్సీ నిర్వహిస్తామని ప్రజలకు హామీ ఇచ్చిన మేరకు, వచ్చే మార్చిలో మరోసారి డీఎస్సీ నిర్వహిస్తామని లోకేశ్ ప్రకటించడాన్ని సంఘం అభినందించింది. ఇదే కారణంగా ఆయన నిరుద్యోగుల ఆత్మబంధువుగా నిలిచారని పేర్కొంది.
ఈ విజయవంతమైన నియామక ప్రక్రియకు సహకరించిన ముఖ్యమంత్రి నారా చంద్రబాబు నాయుడు, డీఎస్సీ ప్రక్రియను పక్కడబందీగా అతి తక్కువ సమయంలో పూర్తి చేసిన పాఠశాల విద్యా కమిషనర్ విజయ రామ రాజు, డీఎస్సీ కన్వీనర్ యం. వెంకటక్రిష్ణారెడ్డి కి తమ కృతజ్ఞతలు తెలిపింది.
