పెనుకొండ: రాష్ట్రంలో బీసీ విద్యార్థుల కోసం నాణ్యమైన విద్య అందించడంలో ఎంజేపీ స్కూల్స్ కార్పొరేట్ స్కూల్స్ కంటే ఎక్కువ గుర్తింపు పొందుతున్నాయి. టెన్త్, ఇంటర్‌ ఫలితాలలో ఉత్తమ సాధనతో, బీసీ బిడ్డలకు ఆరోగ్య భద్రతతో కూడిన విద్య అందించడం కూటమి ప్రభుత్వ ప్రధాన లక్ష్యమని బీసీ సంక్షేమ శాఖ మంత్రి సవిత తెలిపారు. ఈ క్రమంలో పెనకొండలోని రొద్దం-2 ఎంజేపీ స్కూల్లో స్మార్ట్ పే ఫోన్లను ప్రారంభించి, రాష్ట్రంలోని 110 ఎంజేపీ స్కూల్స్‌లో 700కి పైగా ఫోన్లు ఏర్పాటు చేయనున్నట్టు వెల్లడించారు. ఒక్కో విద్యార్థికి ప్రత్యేక స్మార్ట్ కార్డు కేటాయించబడతుందని, ఈ ఫోన్ల ద్వారా తల్లిదండ్రులు, బంధువులతో విద్యార్థులు సులభంగా మాట్లాడగలుగుతారని చెప్పారు.
మంత్రి సవిత వివరించినట్టు, విద్యార్థుల శ్రేయస్సుకు నాణ్యమైన భోజనం, శుభ్రతా సౌకర్యాలు, విద్యుత్ ఇన్వర్టర్లు, ఆర్వో ప్లాంట్లు, కంప్యూటర్ ల్యాబ్‌లు, ఫ్యాన్లు, ట్రంకులు, బ్లాంకెట్లు వంటి అన్ని సౌకర్యాలను ఏర్పాటు చేశారు. విద్యార్థులు క్రమశిక్షణతో చదువుకోవాలని, తల్లిదండ్రులు, బంధువులు, ఉపాధ్యాయులు మానసిక క్షోభకు గురికావద్దని సూచించారు. స్మార్ట్ పే ఫోన్ల ప్రారంభంతో తల్లిదండ్రులు తమ పిల్లలతో నేరుగా మాట్లాడే అవకాశం కలిగి, విద్యార్థుల ఫోకస్ కూడా చదువుపై మరింత పెరుగుతుందని చెప్పారు. కార్యక్రమంలో మార్కెఫెడ్ చైర్మన్, నియోజకవర్గ పరిశీలకులు, కూటమి నాయకులు, విద్యార్థులు, తల్లిదండ్రులు, ఉపాధ్యాయులు పాల్గొన్నారు.
