కాకుమాను (జర్నలిస్ట్ ఫైల్): నిబద్ధత, నిజాయితీకి నిలువెత్తు నిదర్శనమైన సీనియర్ జర్నలిస్టు ఆలపాటి సురేశ్ కుమార్ ను ఆంధ్రప్రదేశ్ ప్రెస్ అకాడమీ చైర్మన్‌గా నియమించిన సందర్భంగా ఆయనకు సీనియర్ జర్నలిస్ట్ టీడీ ప్రసాద్ అభినందనలు తెలిపారు.
ప్రసాద్ మాట్లాడుతూ, "ఆలపాటి సురేశ్ కుమార్ జర్నలిజం ప్రపంచంలో ఒక సుపరిచిత పేరు. దశాబ్దాల పాటు నిజాయతీగా జర్నలిజం చేస్తూ వృత్తి పట్ల అంకితభావంతో, సామాజిక స్పృహతో ముందుకు సాగారు. ఆయన గుంటూరు జిల్లాకు చెందిన ప్రముఖ జర్నలిస్ట్. గుంటూరులో కూడా ఆయన పని చేసినప్పుడు, ఆయనలోని నిశిత పరిశీలన, లోతైన అవగాహన నాకు అర్ధమైంది" అని తెలిపారు.
ఆలపాటి సురేశ్ కుమార్ కేవలం పాత్రికేయుడిగా మాత్రమే కాదు, వర్కింగ్ జర్నలిస్ట్స్ ఉద్యమ నాయకుడిగా కూడా తనదైన ముద్ర వేశారు. ఇండియన్ జర్నలిస్ట్స్ యూనియన్ (ఐజీయూ) జాతీయ కార్యవర్గ సభ్యుడిగా ఆయన పాత్రికేయుల హక్కుల కోసం నిరంతరం పోరాడారు. ఆయన గుంటూరుకు చెందిన ఒక ముఖ్యమైన పాత్రికేయుడు.
"విధ్వంసం" పుస్తకం యొక్క ప్రత్యేకత
సురేశ్ కుమార్ రచించిన "విధ్వంసం" పుస్తకం విశేష ప్రజాదరణ పొందింది. వై.ఎస్. జగన్ మోహన్ రెడ్డి పాలనలోని అవినీతి, అక్రమాలను ఎత్తిచూపుతూ ఈ పుస్తకం రాజకీయాలలో పెద్ద సంచలనం సృష్టించింది. సురేశ్ కుమార్ తన రచనా శైలితో నిజాలను బాహాటంగా వెల్లడించారు. ఆయన రాసిన ఈ పుస్తకం సమాజంలో మార్పు తీసుకురాగలిగింది.
రాజకీయ విశ్లేషకునిగా సురేశ్ కుమార్
ప్రింట్ అండ్ ఎలక్ట్రానిక్ మీడియాలో పని చేసిన సురేశ్ కుమార్ ప్రస్తుతం 'ఏ ఏ యస్ కె' పేరుతో ఒక యూట్యూబ్ ఛానల్ నిర్వహిస్తున్నారు. ప్రతిరోజూ సమకాలీన అంశాలపై నిష్పక్షపాతంగా చేసిన విశ్లేషణలు ఎంతో ఆసక్తికరంగా ఉంటున్నాయి.
ఆకాడమీని కొత్త పుంతలు తొక్కించాలి
ఆంధ్రప్రదేశ్ ప్రెస్ అకాడమీ చైర్మన్‌గా సురేశ్ కుమార్ నియామకం ఆయన సుదీర్ఘ జర్నలిస్ట్ జీవితం అనుభవానికి గౌరవంగా భావించవచ్చు. తన అనుభవంతో అకాడమీని కొత్త పుంతలు తొక్కించి, పాత్రికేయుల శిక్షణ, నైపుణ్యాభివృద్ధి విషయంలో మరింత కృషి చేస్తారని టీడీ ప్రసాద్ విశ్వసించారు.
"పాత్రికేయుల సమస్యలు బాగా అర్థం చేసుకున్న ఆయన, సీనియర్ జర్నలిస్టు, ఉద్యమ నాయకుడు, విశ్లేషకుడు కావడం ఆయనకు కొత్త బాధ్యతలు, శక్తి సామర్ధ్యాలు మరింతగా ఉపకరించడమే," అన్నారు.సురేశ్ కుమార్ కు ఈ కొత్త బాధ్యతలు తీసుకున్న సందర్భంగా, మిత్రులు ఆయనకు హృదయపూర్వక అభినందనలు తెలిపారు.
